რუსეთში, კარელიის სამართალდამცავებმა პარტია „ედინნაია რასიას“ დეპუტატი, ივან რომანოვი პედოფილიის ბრალდებით დააკავეს.

რომანოვს კადეტთა სკოლის ორ კურსანტზე სექსუალური ძალადობის განხორციელებაში ედება ბრალი.

დეპუტატი ყველა ბრალდებას უარყოფს. სასამართლოს სხდომაზე კი განაცხადა, რომ კადეტებმა ის ტყეში წაიყვანეს, დაათვრეს და ცემეს.

რომანოვთან ერთად დაკავებულია კადეტთა სკოლის დირექტორის მოადგილეც. გამოძებისინფორმაციით, დაკავებულები, 2012 წლის მაისიდან ივნისამდე არასრულწლოვან მოსწავლეებთან სექსუალურ კავშირს ამყარებდნენ.

კარელიის პრესის ინფორმაციით, სავარაუდოდ დაკავებული მაღალჩინონსების რიცხვი გაიზრდება.

ადგილობრივი მოსახლეობა რამდენიმე წლის წინ მომხდარ შემთხვევასაც იხსენებს. მათი თქმით, ორი კადეტი ტყეში, ხეზე ჩამომხრჩვალი იპოვეს. თუმცა, კარელიის პოლიციის განცხადებით, ამ საქმეებს ერთმანეთთან კავშირი არ აქვს.