ფაშიზმზე გამარჯვების დღე და მინიშნებები პუტინზე - რას ფიქრობს ანდრეი მაკარევიჩი (ვიდეო)

პოლიტიკა - 17:01, 05 May, 2015

1388

რუსი მუსიკოსი ანდრეი მაკარევჩი უკრაინულ მედიაში გამარჯვების დღისადმი მიძღვნილ ვიდეოში გამოჩნდა. ვიდეო აქციის „ რომ გვახსოვდეს“ ფარგლებში ჩაიწერა.

თავის ვიდეომიმართვაში მაკარევიჩი დიდ სამამულო ომში სსრკ-ს გამარჯვების დღეს წმინდა თარიღს უწოდებს:

მაკარევიჩი ჰიტლერზე საუბრობს და გარკვეულ მინიშნებებსაც აკეთებს:„ეს წმინდა თარიღია, იმიტომ რომ კაცობრიობამ ამ გამარჯვებისთვის ძალიან დიდი ფასი გადაიხადა, ხოლო საბჭოთა ხალხებმა ყველაზე მაღალი“

„რა მომენტში გადაწყვიტა ჰიტლერმა , რომ მას ყველაფერი გამოუვიდოდა? 1938 წელს- როცა ის ჩეხოსლოვაკიას დაესხა თავს, მსოფლიომ კი ეს თითქოს ვერ შეამჩნია, თუ 1939 წელს, როცა საბჭოთა კავშირთან გერმანიამ თავდაუსხმელობის პაქტს მოაწერა ხელი და მათ პოლონეთი შუაზე გახლიჩეს?“

მაკარევიჩი იხსენებს, რომ მსოფლიომ ამ ომში 54 მილიონი ადამიანი დაკარგა: „ჩვენ არ გვაქვს ამის დავიწყების უფლება“- აცხადებს მაკარევიჩი.

მსგავსი ვიდეომიმართვები უკვე ჩაწერეს უკრინელმა მუსიკოსმა სვიატოსლავ ვაკარჩუკმა („ოკეან ელზი") და პოლონელმა მწერალმა იანუშ ვიშნევსკიმ.

ამა წლის მარტში უკრაინის უმაღლესმა რადამ 8 მაისი ხსოვნის და გლოვის დღედ გამოაცხადა, 9 მაისს კი ფაშიზმზე გამარჯვება აღინიშნება.

ანდრეი მაკარევიჩი უკრაინის მოვლენებისადმი თავის დამოკიდებულების გამო რუსეთში მძაფრი კრიტიკის ობიექტი გახდა. იმის გამო, რომ უკრაინაში მიმდინარე კონფლიქტში მომღერალმა რუსეთი დაადანაშაულა და უკრაინის ქალაქებში მხარდამჭერი კონცერები გამართა, რუსეთის ქალაქებში მისი კონცერტები გააუქმეს.

_{ნინო ზედგენიძე}