რუს ბაიკერთა ,,ღამის კლუბი“ და მათი სადაზვერვო საქმიანობა - ,,სამართალდამცავთა დაცვის ლიგის“ განცხადება

პოლიტიკა - 16:38, 05 May, 2015

2039

,,სამართალდამცავთა დაცვის ლიგა“ რუს ბაიკერთა კლუბის - „ღამის მგლების“ საქართველოში შემოსვლის შესახებ განცხადებას ავრცელებს და შინაგან საქმეთა სამინისტროს მათი საქმიანობის შესწავლისკენ მოუწოდებს.

,,რუს ბაიკერთა კლუბის - „ღამის მგლების“ საქართველოში შემოსვლამ და ქმედებებმა საქართველოს ყველა თავმოყვარე მოქალაქე აღაშფოთა. რუსეთის ფედერაციას, საქართველოს ტერიტორიის 20 პროცენტი აქვს ოკუპირებული. მტრული სახელმწიფოს სიმბოლიკით „დამშვენებული“ რუსი ბაიკერები თავისუფლად შემოვიდნენ და გადაადგილდებიან საქართველოს ტერიტორიაზე.

„ღამის მგლები“ ქართველი ერის შეურაცხყოფით „არ დაკმაყოფილდნენ“ და სიღნაღში, ქალბატონ ინგა არახამიას ფიზიკურად მას შემდეგ გაუსწორდნენ, რაც ქალბატონმა „მგლებს“ ქცევის ნორმების დაცვისკენ მოუწოდა.

აღსანიშნავია, რომ პოლონეთმა, 27 აპრილს, თავის ტერიტორიაზე „მგლები“არ შეუშვა. პოლონეთის პრემიერ-მინისტრმა ევა კოპაჩმა,კი რუს ბაიკერთა ქმედება პროვოკაციად შეაფასა. 28 აპრილს, „მგლების“ მიღებაზე, უარი განაცხადა ლიტვამაც, ხოლო გერმანიამ, 9 მაისს, ბერლინში დაგეგმილი, „მგლების“ მოტოგარბენიაკრძალა. რუსმა ბაიკერებმა, საქართველოს მოქალაქეთა აღშფოთება არ გაიზიარეს და განაცხადეს, რომ ქართველმა მესაზღვრეებმა ისინი ქვეყნის ტერიტორიზე თავისუფლად შემოუშვეს და ოკუპანტის სიმბოლიკით გადაადგილება მათთვის არავის აუკრძალავს.

ვწუხვართ, რადგან დღეს, საქართველოს არ ჰყავს არც პოლონეთის, არც ლიტვის და არც ნებისმიერი ევროპული სახელმწიფოს მსგავსი მმართველები, რომლებიც ზრუნავენ სახელმწიფოსა და მოქალაქეთა ღირსებაზე. წინააღმდეგ შემთხვევაში, რუსეთის ფედერაციის პრეზიდენტის მიერ, „ორდენ პაჩოტათი“ დაჯილდოვებულ - ალექსანდრე „ქირურგ“ ზალდოსტანოვის კლუბის წევრებს საქართველოში არ შემოუშვებდა. რადგან მათ ძირითად საქმიანობას დაზვერვა და უცხო ქვეყნებში ძირგამომთხრელი საქმიანობა წარმოადგენს.

„ღამის კლუბის“ წევრთა ქმედებები სისხლის სამართლის კოდექსის რამდენიმე მუხლით გათვალისწინებული დანაშაულის ნიშნებს შეიცავს, გამომდინარე აქედან, მოვითხოვთ შინაგან საქმეთა სამინისტრომ აღკვეთოს „ღამის მგლების“ თავხედური ქმედებები“ - ნათქვამია ორგანიზაციის განცხადებაში.