საქართველოში ევროკავშირის წარმომადგენლობის ხელმძღვანელის იანოშ ჰერმანის თქმით, ხვალ რომ საქართველო ევროკაშირის წევრი გახდეს, ამას ქვეყნის ეკონომიკისთვის მძიმე შედეგები ექნება.

ამის შესახებ ჰერმანმა ილიას უნივერსიტეტში მოხსენებით გამოსვლისას განაცხადა.

მისი თქმით, ასეთ შემთხვევაში საქართველოს ბაზარზე ევროკავშირიდან ყველა კომპანია შემოვა და საჭირო იქნება, საქართველოც მზად იყოს ევროკავშირის შიდა ბაზარზე ინტეგრაციისთვის.

ჰერმანი ასევე განმარტავს, რომ ევროკავშრის ბაზარზე კონკურენცია რთულია.

„ევროკავშირთან ასოცირების შეთანხმების ფარგლებში საქართველოს ეკონომიკას სულ სხვა კონტექსტში მოექცევა. იგივე რეგულაციების თვალსაზრისით, რასაც გარკვეული დრო სჭირდება. ძალიან ბევრი რამ მიმზიდველია მსოფლიოში, მაგრამ თუ სათანადოდ არ ხარ მზად, შეიძლება ეს საშიშიც იყოს. ასოცირების შეთანხმების ეკონომიკური ნაწილი, ღრმა და ყოვლისმომცველი თავისუფალი სავაჭრო სივცრე სწორედ ეკონომიკური ინტეგრაციისთვის მომზადებაა, რასაც კონკრეტული რეფორმების განხორციელება სჭირდება“, - განაცხადა ჰერმანმა.