ოთარ დანელიამ მალაიზიის საპარლამენტო დელეგაციას უმასპინძლა

პოლიტიკა - 12:56, 05 May, 2015

905

სოფლის მეურნეობის მინისტრმა - ოთარ დანელიამ, მალაიზიის საპარლამენტო დელეგაცია მიიღო.

დელეგაციას მალაიზიის პარლამენტის წარმომადგენლობითი პალატის ვიცესპიკერი, დოქტორი რონალდ კიანდე ხელმძღვნელობს.

შეხვედრაზე მინისტრმა სოფლის მეურნეობის დარგის პრიორიტეტულობაზე ისაუბრა და აღნიშნა, რომ საქართველოს აგროსასურსათო სექტორში მნიშვნელოვანი საექსპორტო პოტენციალი აქვს. აღინიშნა, რომ საექსპორტო პოტენციალის რეალიზაციის მიზნით, სოფლის მეურნეობის სამინისტროს ხელშეწყობით, ახალი ბაზრების დივერსიფიკაცია ხორციელდება.

„მალაიზია ჩვენთვის ძალიან საინტერესოა, როგორც ძლიერი ეკონომიკის მქონე ქვეყანა. სავაჭრო-ეკონომიკურ ნაწილშიარსებობს ბევრი მიმართულება, სადაცორქვეყანასშორის ურთიერთობა შესაძლებელია. შესაბამისად, ამ ტიპისშეხვედრები გაგრძელდება. ვფიქრობთ ბიზნესფორუმის ორგანიზებას, რადაგან ორ ქვეყანას შორის სამომავლო ეკონომიკური თანამშრომლობის გაღრმავებას ერთობლივი ბიზნესფორუმის ორგანიზება მნიშვნელოვნად შეუწყობს ხელს“, - განაცხადა ოთარ დანელიამ.

შეხვედრაზე ქართულმა მხარემ საქართველოში აგრარული დარგის იმ მიმართულებებზე ისაუბრა, რომლებიც საინტერესო და მიმზიდველია ინვესტიციების განსახორციელებლად.

მალაიზიის საპარლამენტო დელეგაციის წევრებმა შეხვედრაზე განაცხადეს, რომ მათთვის საინტერესოა საქართველოში სასოფლო-სამეურნეო კოოპერაციის განვითარების ხელშეწყობის გამოცდილების გაზიარება.

„მოხარულივარ, რომ საქართველოში მალაიზიის სახელმწიფო დელეგაციის პირველი ოფიციალური ვიზიტი შედგა, რომელსაც პოლიტიკური დატვირთვა და ეკონომიკური მნიშვნელობა აქვს. საქართველოსა და მალაიზიას სავაჭრო ურთიერთობების გაღრმავების რეალური პერსპექტივა არსებობს. მნიშვნელოვანი იქნება ჩვენი ქვეყნების ბიზნეს სექტორის წარმომადგენლებს ხელი შევუწყოთ და სოფლის მეურნეობის განვითარების მიმართულებით ჩვენი ქვეყნების შესაძლებლობები გავაცნოთ”, - განაცხადა მალაიზიის პარლამენტის წარმომადგენლობითი პალატის ვიცესპიკერმა, რონალდ კიანდემ.

სოფლის მეურნეობის მინისტრის მოადგილემ, ლევან დავითაშვილმა სოფლის მეურნეობის განვითარების ხუთწლიანი სტრატეგიის ძირითად მიმართულებებზე ისაუბრა და აღნიშნა, რომ დოკუმენტში ასახულია აგრარულ დარგში სახელმწიფოს მიერ განსაზღვრული პრიორიტეტები და ხელშემწყობი ღონისძიებები.

მხარეებმა აღნიშნეს, რომ სავაჭრო-ეკონომიკური მიმართულებით საქართველოსა და მალაიზიას თანამშრომლობას რეალური პერსპექტივა აქვს.