გარემოს დაცვის მინისტრის გიგლა აგულაშვილის ინფორმაციით, უწყებაში საკადრო ცვლილებებზე საუბარი მას შემდეგ იქნება შესაძლებელი, რაც აუდიტის დასკვნა გახდება ცნობილი.

ამის შესახებ აგულაშვილმა „ნიუპოსტთან“ საუბარში განაცხადა.

"სამინისტროში დარჩებიან პატიოსანი პროფესიონალები. მე, პირიქით, მათი დამცველი გავხდები, მათი საქმიანობის განხორციელების პროცესში გადაწყვეტილებები შესაძლებელია მიღებული იქნას ეტაპობრივად, დროთა განმავლობაში, ობიექტურობის, სამართლიანობის პრინციპებზე დაყრდნობით. გაგრძელდება თუ არა ეს მუშაობა ერთად დამოკიდებული იქნება იმაზე, როგორ ვასრულებთ თითოეული ჩვენგანი, ჩვენზე კანონით დაკისრებულ მოვალეობებს",- განაცხადა გიგლა აგულაშვილმა.

როგორც ცნობილია, გარემოს დაცვის სამინისტროში აუდიტის სამსახურია შესული.