თბილისის მერმა დავით ნარმანიამ, სარეკლამო ბანერების შესახებ ისაუბრა. როგორც ნარმანიამ განაცხადა, კომპანიები, რომლებიც ვიზუალური თვალსაზრისით მოუწესრიგებელ სარეკლამო ბანერს განათავსებენ, უნდა დაჯარიმდნენ.

"მნიშვნელოვანია ის, რომ ნებართვას გარე რეკლამის გავრცელებასთან დაკავშირებით გასცემდეს მუნიციპალიტეტი და თანხმდებოდეს ვიზუალურად მუნიციპალიტეტის არქიტექტურის სამსახურთან. ასევე მოუწესრიგებელი სარეკლამო ბანერები უნდა იწვევდეს განმთავსებელი კომპანიის დაჯარიმებას, რათა ვიზუალური თვალსაზრისით მოუწესრიგებელი სარეკლამო სივრცეები არ გვქონდეს ქალაქში" - განაცხადა დავით ნარმანიამ.

მერის განმარტებით, გარე რეკლამის განვითარებასა და მართვის შესახებ პროექტი, საკრებულოშია წარდგენილი.

რუსუდან ქიმერიძე