ევროპასთან ინტეგრაციის კომიტეტს სავარაუდოდ ზვიად კვაჭანტირაძე უხელმძღვანელებს.

კვაჭანტირაძე ადასტურებს, რომ ამ თემაზე კონსულტაციები მმართველ გუნდში მიმდინარეობდა.

"ჯერ-ჯერობით მხოლოდ ერთი შეხვედრა იყო. რა თქმა უნდა კონსულტაციების აუცილებლობა დგას და ალბათ, ეს კონსულტაციები მაინც შედგება. ჩვენ ვაპირებთ, რამდენადაც მე ვიცი, უახლოეს დღეებში ფრაქციის შიგნით ამ საკითხის განხილვას, ნებისმიერ შემთხვევაში იქნება კოალიციური შეთანხმების საგანი", - განაცხადა ზვიად კვაჭანტირაძემ.

შეგახსენებთ, ევროპასთან ინტეგრაციის კომიტეტის თავმჯდომარის პოსტი მას შემდეგ გახდა ვაკანტური, რაც თინა ხიდაშელი თავდაცვის მინისტრად დაინიშნა.