თავდაცვის მინისტრი თინა ხიდაშელი ბულგარეთის ქალაქ ვარნადან ამერიკული სამხედრო აღჭურვილობის საქართველოში გამოგზავნის ფაქტს ეხმაურება.

მისი თქმით, მნიშვნელოვანი წვრთნებია დაგეგმილი, რომელსაც საქართველოც შეურთდება.

„ველოდები გენშტაბის უფროსის დაბრუნებას თბილისში იმისთვის, რომ სრულფასოვნად ჩავერთოთ ამ პროცესში. ეს არის ჩვენი და ნატოს ორმხრივი ურთიერთობა და ჩვენი გადასაწყვეტი. შესაძლოა, ეს ურთიერთობა უფრო აქტიურ და ინტენსიურ ფაზაში შევიდეს ჩემი მინისტრობის პერიოდში", - განაცხადა ხიდაშელმა.

ამერიკული სამხედრო აღჭურვილობა ვარნადან ვაზიანის საწვრთნელი ბაზისკენ დაიძრა.

აღჭურვილობა პროგრამა Noble Partner-ის ფარგლებში იგზავნება. ამის შესახებ ინფორმაციას ნატოში აშშ-ის წარმომადგენლობა „ტვიტერის“ გვერდზე წერს.