კვირიკაშვილი მედიას მოუწოდებს ლართან დაკავშირებით ხელოვნურად დამძიმებული სურათი არ შექმნას

პოლიტიკა - 15:00, 04 May, 2015

1370

საქართველოს ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა ლარის კურსთან დაკავშირებით კომენტარი მედიასთან გააკეთა. როგორც ვიცე-პრემიერმა განმარტა, მთავრობა შემდგომ დევალვაციას არ ელოდება, რადგან საპრივატიზაციო მიმართულებით ძალიან მნიშვნელოვანი სამუშაოებია ჩატარებული , კვირიკაშვილის თქმით არის უშუალო შედეგები და მომავალში ტურიზმის ზრდისა და ვიზიტორების შემოდინების მაჩვენებლებთან ერთად ეს შედეგები უფრო მეტი იქნება.

„მე მინდა ვთხოვო მედიასაშუალებს, მაქსიმალურად შეეცადონ, ამ თემით არ იყოს პოლიტიკური სპეკულირება, ვინაიდან თითოეული ნეგატივი, რომელიც გადის სივრცეში, ძალიან მნიშვნელოვნად აისახება ეკონომიკაზე. როგორც ამ ქვეყნის ერთ-ერთი რიგითი მოქალაქე და არა როგორც ეკონომიკის მინისტრი, ვთხოვ ჩემი ქვეყნის ყველა მოქალაქეს, რომლებიც ზოგჯერ არიან მედიის წარმომადგენლები და ზოგჯერ პოლიტიკოსები, ანგარიში გაუწიონ სიტუაციას, რომელიც არის. მინდა ვთხოვო მათ, არავითარ შემთხვევაში არ შექმნან ხელოვნურად დამძიმებული სურათი მედიის საშუალებით. ეს მესიჯი მინდა მივიდეს იმ ადამიანებამდე, ვისაც ყველაზე მეტად ეხება“ - განაცხადა გიორგი კვირიკაშვილმა.