უმრავლესობის წევრი თედო ჯაფარიძე სომხეთის და ცხინვალის დე ფაქტო წარმომადგენლებს შორის შეხვედრის შესახებ გავრცელებულ ინფორმაციას ეხმაურება,

მისი თქმით, ფაქტის დადასტურების შემთხვევაში, რეაგირება მკაცრი უნდა იყოს.

"საგარეო უწყებაში უკვე გაკეთდა განცხადება, რომელიც ითვალისწინებს მკაცრი ზომების მიღებას. თუ ეს ინფორმაცია დადასტურდა, ჩვენი რეაქცია იქნება ძალიან მძაფრი და ხისტი", - განაცხადა ჯაფარიძემ.

ოსური მედიის ინფორმაციით, სამხრეთ ოსეთის დე ფაქტო რესპუბლიკის ე.წ. პარლამენტის თავმჯდომარე, ანატოლი ბიბილოვი სომეხ კოლეგას, გალუსტ სააკიანს ე.წ. მთიანი ყარაბახის რესპუბლიკაში შეხვდა.