საქართველოს ელჩის თენგიზ შარმანაშვილის თქმით, მას უკვე აქვს დავალება, რომ გადაამოწმოს ინფორმაცია სომხეთის და ცხინვალის დე ფაქტო წარმომადგენლებს შორის შეხვედრის შესახებ.

„მაქვს დავალება, რომ ოფიციალურად გავარკვიო სომხეთის საგარეო საქმეთა სამინისტროსთან და პარლამენტთან ეს საკითხები. როგორც კი მათგან ოფიციალურ განმარტებას მივიღებ, ვაცნობებ ამას საქართველოს საგარეო საქმეთა სამინისტროს. დღეს ვეწვევი სომხეთის საგარეო საქმეთა სამინისტროს და პარლამენტს განმარტებების მისაღებად“, - აცხადებს შარმანაშვილი.

ოსური მედიის ინფორმაციით, სამხრეთ ოსეთის დე ფაქტო რესპუბლიკის ე.წ. პარლამენტის თავმჯდომარე, ანატოლი ბიბილოვი სომეხ კოლეგას, გალუსტ სააკიანს ე.წ. მთიანი ყარაბახის რესპუბლიკაში შეხვდა.