თავდაცვის ყოფილი მინისტრი მინდია ჯანელიძე არ იზიარებს მოსაზრებას, რომ მისი უწყების პროდასავლურობასთან დაკავშირებით კითხვები არსებობდა.

როგორც ჯანელიძემ თინა ხიდაშელთან შეხვედრის შემდეგ განაცხადა, მისი ყოფილი უწყების საერთაშორისო აქტივობის 90% დასავლური აქტივობა იყო.

„მე არ მომისმენია ეს განცხადება, მაგრამ თუ ასე იყო ნათქვამი, ნება მომეცით, არ დავეთანხმო, იმიტომ რომ ყველა ის საერთაშორისო აუცილებელი აქტივობის 90% დასავლური აქტივობა იყო. ეს პროცესი მიმდინარეობდა მაღალ დონეზე. შესაბამისად იმედი მაქვს ეს ტენდენცია და ეს ტრენდი კიდევ უფრო გაძიერდება“, - განაცხადა ჯანელიძემ.

შეგახსენებთ, უმრავლესობის ლიდერმა დავით საგანელიძემ განაცხადა, რომ თავდაცვის უწყების საგარეო ორიენტირების შესახებ კითხვები არსებობდა, რომელიც ხიდაშელის დანიშვნით მოიხსნა.