პარლამენტის თავმჯდომარის დავით უსუფაშილის თქმით, საქართველოს ნატოში წევრობა იმისთვის არ სურს, რომ ვინმესთან ომში ჩაებას.

ამის შესახებ უსუფაშვილმა საქართველო-მოლდოვა-უკრაინის პარლამენტთაშორის ფორუმზე სიტყვით გამოსვლისას განაცხადა.

მან სამ ქვეყანაში არსებულ პრობლემებზე ისაუბრა და განმარტა, რომ პრობლემების მოსაგვარებლად გვერდში საერთაშორისო საზოგადოება უნდა დავიყენოთ.

„ცალკე აღებულ თითოეულ ჩვენგანს არ შესწევს უნარი გაუმკლავდეს ამ დონის საფრთხეებს. ამიტომაცაა საქართველოს ძალიან მყარი - ნატოში გაწევრიანება. ეს ურყევი არჩევანი პირველ რიგში საქართველოს მოქალაქეების განწყობით დასტურდება. საქართველოს ნატოში წევრობა არ გვინდა იმისთვის, რომ მერე ყველა ერთად ვინმესთან ომში ჩავებათ. პირიქით, ჩვენ გვინდა გავაგრძელოთ ის რეალობა, რაც ნატოს, როგორც სამხედრო პოლიტიკურ გაერთიანებას დასაბამიდან დღემდე მოჰყვება. ეს არის ის, რომ ნატოს წევრი ქვეყნების ტერიტორიაზე ომები აღარ ხდება“, - განაცხადა უსუფაშვილმა.