თავდაცვის ახალი მინისტრი თინა ხიდაშელი ამბობს, რომ მისი მთავარი ამოცანა თავდაცვის უწყების და გენერალური შტაბის გაყოფის ბოლომდე მიყვანაა.

ამის შესახებ ხიდაშელმა მინდია ჯანელიძესთან შეხვედრის შემდეგ განაცხადა.

„პარლამენტში თავდაცვის კანონს დღემდე პრობლემები აქვს. ვფიქრობ, ეს მნიშვნელოვანია, რომ რეალურად გადავიდეთ იმ სტანდარტზე, რასაც ნატო და საერთაშორისო თანამეგობრობაში ჩვენი წევრობა ითხოვს. იქნება შემთხვევები როდესაც მე შეიძლება მნახოთ სამხედრო ფორმაში, მაგრამ ეს არ არის თავდაცვის მინისტრის მთავარი საქმე. თავდაცვის მინისტრმა უნდა მოახერხოს, ემსახუროს ჯარს აქედან, სამოქალაქო სექტორიდან და არ უნდა გახდეს ჯარისკაცი. ეს არის სწორედ 21-ე საუკუნის ის მოთხოვნა, რომლის წინაშეც ჩვენ ვდგავართ“,- განაცხადა ხიდაშელმა.