თავდაცვის მინისტრობის კანდიდატის თინა ხიდაშელის თქმით, მას არასოდეს უთქვამს, რომ აფხაზეთი საქართველოს ნაწილი არ არის.

ამის შესახებ ხიდაშელმა „კვირის პალიტრასთან“ საუბარში განაცხადა და განმარტება გააკეთა მედიაში 2001 წელს მის მიერ გაკეთებულ განცხადებებზე, სადაც აფხაზეთს საქართველოს ნაწილად არ მიიჩნევდ.

„რაც წერია, ყველაფერი სიმართლეა, მაგრამ თუ არ იტყვი, რა კონტექსტია... როცა წერია მხოლოდ ეს... ტრენინგზე ხომ ყოფილხართ, არ გითამაშიათ? შეიძლება ისეთ საკითხებზე ვიმსჯელოთ, ვიღაცამ ჩვენი საუბარი რომ ჩაიწეროს, სამშობლოს მოღალატეებად კი არა, სამყაროს პრობლემადაც შეიძლება გამოგვაცხადონ...არასოდეს მითქვამს, რომ აფხაზეთს არ განვიხილავ საქართველოს ნაწილად. ეს არის სცენარის ნაწილი, რომლის მიხედვითაც მეორე მხარე უნდა ვალაპარაკოთ. ამას ჰქვია თამაში "მრგვალი მაგიდის" ფორმატში. არ ვაპირებ ამ თემაზე თავის მართლებას“, - განაცხადა ხიდაშელმა.