,,რესპუბლიკელები კოალიციაში რჩებიან...“- ივანიშვილი ხიდაშელის გამინიტრებაზე

პოლიტიკა - 21:31, 03 May, 2015

1361

სამთავრობო ცვლილებებზე გააკეთა კომენტარი ბიძინა ივანიშვილმა გადაცემა "2030"-ში. ექსპრემიერმა კიდევ ერთხელ აღნიშნა, რომ ზოგიერთი მინისტრი ავადმყოფობის გამო ტოვებს პოსტს, ზოგი-ოჯახის, ხოლო რაც შეეხება, ლევან ყიფიანს, ივანიშვილის თქმით, მან კოლეგების აზრი გაითვალისწინა. ბიძინა ივანიშვილმა თინა ხიდაშელის გამინისტრებაზეც ისაუბრა ხაზი გაუსვა, რომ ამით კოალიციამ ევროპულობას გაუსვა ხაზი და მეორეს მხრივ, ექსპრემიერმა აღნიშნა, რომ რესპუბლიკელებს მყარად აქვთ გადაწყვეტილი არჩევნები მონაწილეობა კოალიციასთან ერთად მიიღონ.

"საინტერესო აქცენტი შეიძლება გაკეთდეს ქალბატონ თინა ხიდაშელის დანიშვნაზე, რომელიც თავდაცვის მინისტრია და ჩემი აზრით ძალიან კარგი პრეცედენტია ბევრი მნიშვნელობით - ის რომ ქალბატონია, ის რომ ევროპაში ამის პრცედენტი იყო და საქართველომაც ეს მოახერხა, ჩვენ, კიდევ ერთჯერ ჩვენს ევროპელობას გაუსვამს ხაზს, რომ ჩვენ ჩვენს ოჯახში დაბრუნებას ვაპირებთ, გარდა ამისა საინტერესო იყო ალბათ ეს გადაადგილება და რესპუბლიკელების მხრიდან 2 მინიტრის გამოჩენა მთავრობაში, ეს ხაზგასასმელია იმით, რომ კოალიციამ მოახერხა, რაღაც დაბნეულობა იგრძნობოდა, მოგეხსენებათ ერთი პარტია გავიდა კოალიციიდან იქ იყო მსჯელობები და სპეკულაციები, რომ კოალიცია შიძლება დაიშალოს და ამ მხრივადაც ხაზგასასმელია ის, რომ რესპუბლიკელები ძალიან მკვეთრად და ურყევად რჩებიან კოალიციის წევრებად და კოალიცია ჯანსაღია და უკვე გამოიკვეთა, რომ არჩევნებისთვის მათ უკვე გარკვეული მზაობა გააჩნიათ" - განაცხადა ყოფილმა პრემიერმა.