,,ყველამ ვიცით, რომ მაგარ შარში ვართ“

,,ყველამ ვიცით, რომ მაგარ შარში ვართ“ - გიგა ბოკერია

პოლიტიკა - 23:00, 02 May, 2015

2269

,,არსებული კრიზისისთვის ხელისუფლება მზად არ აღმოჩნდა“ - ქვეყანაში შექმნილ ეკნომიკურ მდგომარეობაზე ისაუბრა ,,ნაციონალური მოძრაობის“ ერთ-ერთმა ლიდერმა გიგა ბოკერიამ. მისი თქმით, ხელისუფლებას საგარეო ფაქრტორები უნდა გაეთვალისწინებინა და შესაბამისი გეგმების მომზადება დაეწყო.

,,რეგიონში რთული ვითარებაა, რუსეთის აგრესიაა ჩვენი მოძმე უკრაინის წინააღმდეგ, ამან გამოიწვია გადმორიცხვების ვარდნა. ეს მართლაც ასეა. უკრაინა ჩვენი სავაჭრო პარტნიორია და იქ პრობლემები გვაქვს - ეს ყველაფერი ნამდვილად ასეა. მაგრამ, საგარეო ფაქტორებს აქვს პოზიტიური ასპექტი, დროებით მაინც. მაგალითად, ნავთობის ფასების ვარდნას მოჰყვა საწვავის ფასების ვარდნა, ამან შეამცირა წნეხი ფასების ზრდაზე, რაც მაინც მოხდა საქართველოში. მაგრამ მთავრობებს ირჩევენ იმიტომ, რომ ყველაფერი კარგად კი არა, როცა კრიზისია, იყვნენ ამ კრიზისისთვის მზად. ყველამ იცოდა, რომ ეს კრიზისი მოვიდა. როცა დაიწყო რუსეთის პოლიტიკური და სამხედრო აგრესია, მაშინ უნდა სცოდნოდათ, რომ გეგმები დაეწყოთ და მომზადებულიყვნენ“ - განაცხადა ბოკერიამ.

ბოკერიამ ბიძინა ივანიშვილის ინვესტორებთა შეხვედრა გაიხსენა და აღნიშნა, რომ ნაცვლად იმისა, რომ ივანიშვილი ,,მათ მოფერებოდა და ეთქვა, რომ საქართველო ის ქვეყანაა, რომელშიც ფული უნდა ჩადოთ. მან გამოუცხადა ინვესტორებს, რომ საქართველო არის ჯოჯოხეთი. რა დასკვნა უნდა გაეკეთებინა იმ ხალხს? და რა ხმა გავარდა ინვესტორებში თავიდანვე? რომ ან ეს კაცი მართალია ან საქართველო ისეთ შარშია, რომ იქ საერთოდ გარისკვაც არ ღირს. ყველამ ვიცით, რომ მაგარ შარში ვართ“ - აღნიშნა ბოკერიამ და ამასთან ერთად ეროვნული ბანკივ გააკრიტიკა. მისი თქმით, საზოგადოების ინფორმირებულობის მხრივ ეროვნულ ბანკს უფრო აქტიურად უნდა ემუშავა.