გარემოს დაცვის მინისტრად საქართველოს პარლამენტის წევრი გიგლა აგულაშვილი დაიიშნა. „ნიუპოსტი“ დაინტერესდა რა ქონებას ფლობს ახალი მინისტრი.

ქონებრივი დეკლარაცია აგულაშვილს გასული წლის 12 დეკემბერს აქვს შევსებული.

დეკლარაციიდან ირკვევა, რომ აგულაშვილს ჰყავს მეუღლე და სამი შვილი.

მის მფლობელობაშია წავკისში 1000 კვ.მ ფართობის მიწის ნაკვეთი, კეკელიძის ქუჩაზე 30 კვ.მ ფართობის ავტოფარეხი, საბურთალოს ქუჩაზე 83 კვ.მ ფართობის საცხოვრებელი სახლი, კეკელიძის ქუჩაზე 49 კვ.მ ფართობის არასაცხოვრებელი ფართი, საგარეჯო 4400 კვ.მ ფართობის მიწის ნაკვეთი, ასევე საგარეჯოში 880 კვ.მ ფართობის მიწის ნაკვეთი. კეკელიძის ქუჩაზე მდებარე 100 კვ.მ ფართობის საცხოვრებელი ფართი კი მისი მეუღლის, ქეთევან აგულაშვილის სახელზეა გაფორმებული.

რაც შეეხება ავტომობილს, გიგლა აგულაშვილის მფლობელობაშია - Mitsubishi Pajero Io, 2000 წელი, WIN 139; ხოლო მისი მეუღლის მფლობელობაშია - Suzuki Grand Vitara, 2008, QFQ 493.

ახალი მინისტრის საბანკო ანგარიშები ასე გამოიყურება: „თი–ბი–სი ბანკი“ - 191.26 ლარი, ,,თი–ბი–სი ბანკი ვიზა კლასიკი - 1160 დოლარი, ბანკი ქართუ ვიზა პლატინუმი - 7116 ლარი.

აგულაშვილის მფლობელობაშია ფიქსირდება ასევე 5 000 დოლარი.

რაც შეეხება ანაზღაურებას, პარლამენტის წევრობის დროს გიგლა აგულაშვილს მიღებული აქვს 66 373 ლარი.

გიგლა აგულაშვილს 2014 წელს დახარჯული აქვს: სწავლის საფასური - 19000 ლარი, ასევე სწავლის საფასური - 3 500ლარი, სწავლის საფასური - 5113 ლარი, ავიაბილეთი გასავალი- 1260 დოლარი, სასოფლო სამეურნეო მიწის დამუშავება - 8000 ლარი, სასოფლო-სამეურნეო.

ამავე გრაფაში მითითებული აქვს შემოსავალი, რომელიც პროდუქციის რეალიზაციის რეალიზაციიდან აქვს მიღებული და რომელიც 25000 ლარია.