ერაყული მედიის ცნობით, უსაფრთხოების ძალების მიერ მოკლულია თარხან ბათირაშვილი, ისლამისტებში ომარ ალ შიშანის და აბუ იბრაჰიმ ჩეჩენის ფსევდონიმით ცნობილი ისალმური სახელმწიფოს საველე მეთაური

როგორც Alforat News Agency წერს, ბათირაშვილი ერთი თვის განმავლობაში ბაიჯისთან განთავსებულ ისლამისტური დაჯგუფების მეთაური იყო. აბუ იბრაჰიმ ჩეჩენი ერაყის პროვინცია სალახ–ედ–დინში ერაყის არმიის მიერ ისლამისტების წინააღმდეგ ჩატარებული ოპერაციის დროს დაიღუპა. მასთან ერთად, მედიის ცნობით, კიდევ ათი მებრძოლია ლიკვიდირებული.

ამ ოპერაციის განმავლობაში, რომელსაც უსაფრთხოების ძალები მოხალისეებთან ერთად ატარებდნენ, მოკლულია 10 ტერორისტზე მეტი.

ერაყის სამხედრო მეთაურობა ამ საკითხზე ჯერჯერობით ოფიციალურ კომენტარს არ აკეთებს.