,,თუ მინიტრი მადლობის ღირსია, მათ შორის თავდაცვის, რატომ მიდიან ეს მინისტრები?"

,,თუ მინიტრი მადლობის ღირსია, მათ შორის თავდაცვის, რატომ მიდიან ეს მინისტრები?" - პრეზიდენტი

პოლიტიკა - 22:12, 01 May, 2015

2835

პრეზიდენტი გიორგი მარგველაშვილი მის დღევანდელ გადაწყვეტილებას განმარტავს და ამბობს, რომ ამით შესაძლებლობა მისცა სამთავრობო გუნდს და უმრავლესობას, რომ მშვიდად ჩამოყალიბდნენ.

ამის შესახებ მარგველაშვილმა „რეაქციაში“ განაცხადა.

„ამ პროცესებს ნაკლებად აქვს ახსნა საზოგადოებისთვის. ჩვენ ვისმენთ ამ მინისტრების თაობაზე დადებით შეფასებებს. თუ მინისტრი კარგად მუშაობს და მადლობის ღირსია, მათ შორის თავდაცვის მინისტრი, რატომ მიდიან ეს მინისტრები? მრჩება შთაბეჭდილება რომ ეს სწრაფად ხდება. ამიტომ გამოვიყენე კონსტიტუციით მონიჭებული უფლებამოსილება. ერთკვირიანი შეყოვლენის შესაძლებლობა გამოვიყენე, რომ მივცე შესაძლებლობა როგორც უმრავლესობას, ისე მთავრობას მშვიდად ჩამოყალიბდნენ. თუ ისინი არ შეცვლიან სიას მე მაქვს ვალდებულება ერთი კვირის ვადაში გადაუგზავნო პარლამენტში. იმედია, ეს ერთი კვირა პოზიტიურად იქნება გამოყენებული. იმედია ამ პროცესში უმრავლესობა აქტიურად ჩაერთვება და ის რასაც ჩამოაყალიბებს უმრავლესობა და სამთავრობო გუნდი ეს იქნება ლეგიტიმური გუნდი. მინისტრი ძალიან მაღალი თანამდებობაა, მაგრამ მისი ლეგიტიმაცია საქართველოს პარლამენტმა უნდა მოახდინოს და გადაწყვეტილება ამაზე დეპუტატებმა უნდა მიიღონ“, - განაცხადა მარგველაშვილმა და იმედი გამოთქვა, რომ ამ ერთი კვირის ვადაში დეპუტატები აქტიურად იქნებიან ჩართული მთავრობის წევრების დამტკიცების დისკუსიაში.