ფინანსთა მინისტის ნოდარ ხადურის თქმით, პრეზიდენტმა თავდაცვის მინისტრის შეცვლის შესახებ იცოდა.

მისი თქმით, პარლამენტში მინისტრების დამტკიცებაზე კონსენსუსი იყო, თუმცა მარგველაშვილის დღევანდელი განცხადების გამო, ქუთაისში წასული მინისტრების უმრავლესობა უკან დაბრუნდა.

„პრემიერის მიერ არის მოფიქრებული მთავრობის შემადგენლობა, რომელიც წარდგენილია პრეზიდენტისთვის იმისთვის, რომ კონსტიტუციით დადგენილი პროცედურები შეასრულოს და წარადგინოს პარლამენტში. პარლამენტში იყო კონსენსუსი, რომ დღეს და ხვალ ემუშავათ და იცით, რომ რამდენიმე მინისტრი გზიდან მობრუნდა კიდეც, რომელიც მიდიოდა იმისთვის, რომ კომიტეტებში შეხვედრები ჰქონოდა“, - განაცხადა ხადურმა.