საქართველოს მთავარი საკანონმდებლო ორგანოს ევროინტეგრაციის კომიტეტის თავმჯდომარის პოსტზე ლევან ბერძენიშვილისა და ზვიად კვაჭანტირაძის კანდიდატურები განიხილება.

გავრცელებული ინფორმაციით, ლევან ბერძენიშვილის კანდიდატურას „რესპუბლიკელები“ უჭერენ, მხარს, ხოლო ზვიად კვაჭანტირაძეს ფრაქცია „ქართული ოცნება“ ლობირებს.

კომიტეტის თავმჯდომარის პოსტი მას შემდეგ გათავისუფლდა, რაც თავდაცვის მინისტრის პოსტზე კომიტეტის თავმჯდომარის თინათინ ხიდაშელის კანდიდატურა წარადგინეს.

ევროინტეგრაციის კომიტეტის თავმჯდომარის პოსტზე ზვიად კვაჭანტირაძის კანდიდატურა ერთხელ უკვე განიხილებოდა, თუმცა უმრავლესობამ ამ პოსტზე მხარი ხიდაშელს დაუჭირა.