მთავრობის საპარლამენტო მდივნის შალვა თადუმაძის განცხადებით, ყველა მინისტრი უფლებამოსილებას ინარჩუნებს და ჩვეულ რეჟიმში ფუნქციონირებას აგრძელებს.

ამის შესახებ თადუმაძემ ჟურნალისტებთან საუბრისას განაცხადა.

„პრეზიდენტის კონსტიტუციური უფლებამოსილებაა, რომ შვიდ დღეში გადააგზავნოს პარლამენტში მთავრობის ახალი შემადგენლობა. მთავრობა ჩვეულ რეჟიმში აგრძელებს ფუნქციონირებას. მთავრობის ყველა წევრი, რომელიც დანიშნულია მინისტრის თანამდებობაზე, უფლებამოსილია განახორციელოს თავისი უფლებამოსილება. ასევე თინა ხიდაშელი და გიგლა აგულაშვილი უკვე არიან მინისტრები. მათაც შეუძლიათ განახორციელონ მინისტრის უფლებამოსილება“, - განაცხადა თადუმაძემ.