შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი ჟურნალისტების ქცევამ გააღიზიანა და მათ შენიშვნაც მისცა.

მედიის წარმომადგენლებს აინტერესებდათ თუ რატომ იმყოფებოდნენ მინისტრები მთავრობის კანცელარიაში, რაზეც ზაქარეიშვილმა უპასუხა:

"რას ჰგავს თქვენი საქციელი? ეს არის ნორმალური ჟურნალისტების ქცევა? ჩვეულებრივი შეხვედრაა. გთხოვთ დატოვოთ ლიფტი“, - მიმართა ზაქარეიშვილმა ჟურნალისტებს.

შეგახსენებთ, ირაკლი ღარიბაშვილმა დღეს მთავრობის ახალი შემადგენლობა დაასახელა. მინისტრთა კაბინეტში სამი ახალი სახე იქნება. თავდაცვის მინისტრობის კანდიდატად თინა ხიდაშელი დასახელდა, სპორტის მინისტრობის კანდიდატად - ტარიელ ხეჩიკაშვილი, ხოლო გარემოს დაცვის მინისტრობის კანდიდატად - გიგლა აგულაშვილი. მიუხედავად იმისა, რომ ღარიბაშვილმა პრეზიდენტს და მთავრობას მოუწოდა მთავრობა დაჩქარებულ ვადებში დაემტკიცებინათ, გიორგი მარგველაშვილმა მთავრობის ახალ შემადგენლობაზე ხელის მოწერა ერთი კვირით გადადო. ამის შემდეგ მინისტრები, მათ შორის მინდია ჯანელიძე მტავრობის ადმინისტრაციაში შეიკრიბნენ. დამატებითი კომენტარები ადმინისტრაციაში ჯერჯერობით არ გაკეთებულა.