პრეზიდენტის საპარლამენტო მდივნის გიორგი კვერენჩხილაძის თქმით, მთავრობა ფორსმაჟორში მუშაობს და ამიტომ პრეზიდენტმა მათ კიდევ ერთ კვირიანი ვადა მისცა.

ამის შესახებ კვერენჩხილაძემ ჟურნალისტებთან საუბრისას განაცხადა.

"მთავრობა ფორსმაჟორულ პირობებში მუშაობს, პრეზიდენტმა გამოხატა ნება, რომ მოხდეს რაფინირება უმრავლესობას, მთავრობასა და მთავრობის მეთაურს შორის წყნარად და პოლიტიკური ვნებათაღელვის გარეშე. თუ არ მოხდა პრეზიდენტი ამ შემადგენლობას წარადგენს ერთი კვირის თავზე, ეს მისი კონსტიტუციური ვალდებულებაა", - განაცხადა კვერენჩხილაძემ.

შეგახსენებთ, ირაკლი ღარიბაშვილმა მთავრობის ახალი შემადგენლობა დღეს დაასახელა. პრეზიდენტმა გიორგი მარგველაშვილმა მთავრობის ახალ შემადგენლობაზე ხელის მოწერა ერთი კვირით გადადო.