„ქრონიკა+“-ის მთავარი რედაქტორი ელისო კილაძე ირაკლი ღარიბაშვილის მიერ მთავრობის ახალი შემადგენლობის წარდგენას სოციალურ ქსელში ეხმაურება.

„უკუღმაა მაგ ამბავი,ასინეთა უკუღმა !!!!! ჯერ შენ უნდა წარგადგინონ პრემიერ მინისტრობის კანდიდატად და მერე შენ მინისტრები.

რა სტატუსით გამოიჭიმე ამ დილის ათ საათზე კამერებთან? იურისტები მომიკითხეთ,ბატონო ირაკლი !!!!!!“, - წერს კილაძე.

შეგახსენებთ, ირაკლი ღარიბაშვილმა მთავრობის ახალი შემადგენლობა რამდენიმე წუთის წინ წარადგინა. მინისტრთა კაბინეტს სამი ახალი წევრი ეყოლება. თავდაცვის მინისტრობის კანდიდატი თინა ხიდაშელია, გარემოს დაცვის მინისტრობის კანდიდატი გიგლა აგულაშვილი, სპორტის მინისტრობის კანდიდატი კი ტარიელ ხეჩიკაშვილი.