საქართველოს ისტორიაში პირველად თავდაცვის უწყებას ქალბატონი უხელმძღვანელებს. ირაკლი ღარიბაშვილმა მინისტრობის კანდიდატად თინა ხიდაშელი წარადგინა.

„ნიუპოსტმა“ თინა ხიდაშელის ქონებრივივ დეკლარაციას გადაავლო თვალი.

ხიდაშელს დეკლარაცია მიმდინარე წლის 5 იანვარს აქვს შევსებული. ახალი მინისტრი მეღლესთან, დავით უსუფაშვილთან და შვილებთან ერთად ცხოვრობს.

მის მფლობელობაშია თბილისში, ფანასკერტელის ქუჩაზე მდებარე 60 კვ.მ ფართობის ბინა და ამავე მისამართზე მდებარე 116 კვ.მ ფართობის საცხოვრებელი ბინა.

ოჯახის მფლობელობაშია, მსუბუქი ავტომობილი Lexus RX330. კერძოდ, ქოენბრივ დეკლარაციაში მის მფლობელად ხიდაშელის მეუღლე დავით უსუფაშვილია მითითებული.

რაც შეეხება საბანკო ანგარიშებს, ხიდაშელს „თი-ბი-სი“ ბანკში აქვს ანაბარი 115 462 ლარი და 14885.00 ევრო. მის სახელფასო ანგარიშზე ბანკ "ქართუში" კი 169.00 ლარია დაფიქსირებული.

დავით უსუფაშვილს „თი-ბი-სი“ ბანკში აქვს ანაბარი 19047.16 ლარი, ასევე ამავე ბანკში 30147.00 დოლარი.

რაც შეეხებათ შვილებს, ალექსანდრე უსუფაშვილი ალექსანდრე უსუფაშვილს "თი–ბი–სი ბანკის" ანაბარზე 16800.00 დოლარი, გრიგოლ უსუფაშვილს ამავე ბანკში კი, 11200.00 დოლარი ჰქონდათ.

დავით უსუფაშვილს ნაღდი ფულის სახით 8000.00 ლარი, თინათინ ხიდაშელს - 5000.00 ლარი, ზიზილა ურგებაძე კი, 9000.00 დოლარი ჰქონდა.

რაც შეეხება სამსახურიდან მიღებულ ანაზღაურებას, 2014 წლის 1 იანვრიდან 31 დეკემბრის ჩათვლით ხიდაშელს პარლამენტის წევრობის დროს მიღებული აქვს 55989 ლარი, ხოლო დავით უსუფაშვილს 79083 ლარი.

რაც შეეხება გასავალს, თინათინ ხიდაშელმა წინა წელს ქველმოქმედებისთვის 9700.00 ლარი დახარჯა. ოჯახმა დავით უსუფაშვილი დაზღვევისთვის - 2460.00 ლარი, ხოლო მკურნალობისთვის 1955.00 ევრო დახარჯა. ამავე წელს, თინათინ ხიდაშელმა სწავლის გადასახადისთვის 4300.00 ლარი გასცა.