„რესპუბლიკელები" ძალიან წარმატებულად ვაჭრობენ ბიძინა ივანიშვილთან- ჭიაბერაშვილი

პოლიტიკა - 10:53, 01 May, 2015

1625

„ნაციონალური მოძრაობის“ წევრის ზურაბ ჭიაბერაშვილის შეფასებით, სანამ ქვეყანას ივანიშვილი მართავს სამთავრობო ცვლილებებით არსებითად არაფერი იცვლება.როგორც ჭიაბერაშვილმა „ნიუპოსტთან“ საუბარში განაცხადა „რესპუბლიკელებმა“ თავიანთ ხმებს ფასი დაადეს და სანაცვლოდ მთავრობაში ადგილები მიიღეს.

„სანამ ქვეყანას ბიძინა ივანიშვილი მართავს ამ სამთავრობო ცვლილებით არსებითად არაფერი არ იცვლება. ის რომ პრემიერად ისევ ღარიბაშვილი დარჩა ეს იმის ხაზგასმაა, რომ არ აქვს მნიშვნელობა ვინ არის პრემიერი ან მინისტრი, იმიტომ რომ ყველაფერი ივანიშვილის ნება-სურვილს ემორჩილება. ასე რომ არ იყოს ქვეყანაში არსებული მდგომარეობა აუცილებლად გამოიწვევდა ფუნდამენტურ სამთავრობო ცვლილებებს. ლარს რომ ამ ცვლილებებით არ ეშველება ყველასათვის ნათელია.

ამ ცვლილებებიდან ერთადერთ ცვლილებაზე შეიძლება ოდნავ არსებითის თქმა. მნიშვნელოვანია ის რომ კოალიციის ერთ-ერთი სუბიოექტი, „რესპუბლიკელები’ ძალიან წარმატებულად ვაჭრობენ ბიძინა ივანიშვილთან. ღარიბაშვილისთვის მხარდაჭერის სანაცვლოდ მათ ადგილები მოითხოვეს და მიიღეს კიდეც.“- განაცხადა ზურაბ ჭიაბერაშვილმა