არანაირი მტკიცებულება არაა, რომ ქართველი სამხედროები ამ ამბებში არიან ჩართულები- ანდრე ევრარი

პოლიტიკა - 21:06, 30 Apr, 2015

1944

აფრიკაში სამშვიდობო მისიაში მონაწილე ფრანგ და ქართველ სამხედროებთან დაკავშირებულ სკანდალს საფრანგეთის თავდაცვის ატაშე საქართველოში ანდრე ევრარი გამოეხმაურა, როგორც თავდაცვის ატაშემ „კურიერთან“ საუბარში განაცხადა, არანაირი მტკიცებულება იმის რომ არასრულწლოვანებზე ძალადობის პროცესში ქართველები იყვნენ ჩართული არ არსებიბს:

"ჩემთვის არ არის არანაირი მტკიცებულება, რომ ქართველი სამხედროები ამ ამბებში არიან ჩართულები. გაერომ გააფრთხილა ფრანგული მხარე იმის შესახებ,რომ არსებობდა ეჭვი, რომ ადგილი ჰქონდა სამხედროების მხრიდან ბავშვებზე ძალადობის ფაქტებს. დაიწყო გამოძიება და ეს პროცესი ახლაც გრძელდება,"- განაცხადა საფრანგეთის თავდაცვის ატაშემ საქართველოში ანდრე ევრარიმ.

შეგახსენებთ, ფრანგული გამოცემების ინფორმაციით, ცენტრალურ აფრიკაში სამშვიდობო მისიების სამხედროები ბავშვებზე სექსუალურ ძალადობას ახდენდნენ.

საუბარი შეეხება 2013 წლის დეკემბრიდან 2014 ივნისამდე პერიოდზე. როგორც ირკვევა სამხედროები მოზარდებს საკვების სანაცვლოდ სექსუალური კავშირის დამყარებას აიძულებდნენ. სკანდალური ინფორმაციის თანახმად ძალადობაში ქართველი სამხედროებიც მონაწილეობდნენ.