"თარიღები აცდენილია"- ვახტანგ კაპანაძე ქართველი და ფრანგი სამხედროების სკანდალს გამოეხმაურა

პოლიტიკა - 20:23, 30 Apr, 2015

2305

ცენტრალური აფრიკის რესპუბლიკაში სამშვიდობო მისიის სამხედროების მხრიდან არასრულწლოვანებზე განხორციელებული სექსუალური ძალადობის და ამ ფაქტში ქართველი ჯარისკაცების შესაძლო მონაწილეობაზე კომენტარი საქართველოს შეიარაღებული ძალების გენერალური შტაბის ხელმძღვანელმა გააკეთა. როგორც ვახტანგ კაპანაძემ აცხადებს იმ ინფორმაციის თანახმად, რომელიც მას ამ დროისთვის გააჩნია თარიღი, როდესაც ძალადობის ფაქტები განხორციელდა ქართველების აფრიკაში ყოფნის თარიღს არ ემთხვევა

"როგორც ჩემთვის არის ცნობილი, იდენტიფიცირებული არ არის ვინ იყვნენ მონაწილენი. იძახიან რომ ესენი იყვნენ კოალიციიდან, მაგრამ იქ არაა ლაპარაკი არც ქართველებზე, არც ესპამელებზე, არც იტალიელებზე.

ის თარიღები, რომელიც მე მითხრეს, არის აბსოლუტურად სხვა და აცდენილია, მაშინ საქათველოს შეიარაღებული ძალები იქ არ მონაწილეობდნენ“- განაცხადა კაპანაძემ.

შეგახსენებთ, ფრანგული გამოცემების ინფორმაციით, ცენტრალურ აფრიკაში სამშვიდობო მისიების სამხედროები ბავშვებზე სექსუალურ ძალადობას ახდენდნენ.

საუბარი შეეხება 2013 წლის დეკემბრიდან 2014 ივნისამდე პერიოდზე. როგორც ირკვევა სამხედროები მოზარდებს საკვების სანაცვლოდ სექსუალური კავშირის დამყარებას აიძულებდნენ. სკანდალური ინფორმაციის თანახმად ძალადობაში ქართველი სამხედროებიც მონაწილეობდნენ.