ირაკლი ღარიბაშვილი მინისტრების ახალ შემადგენლობას მთავრობის ადმინისტრაციაში დღეს, 10:00 წარადგენს.

როგორც ცნობილია, მმართველ გუნდში ამ დრომდე კონსულტაციები მიმდინარეობს.

შეგახსენებთ, ორი დღის წინ თანამდებობა დატოვა სპორტისა და ახალგაზრდობის საქმეთა მინისტრმა ლევან ყიფიანმა, რომელიც მეშვიდე გადადგარი მინისტრია. მინისტრთა კაბინეტში სულ 20 წევრია, რაც ნიშნავს იმას, რომ პარლამენტმა მთავრობას ნდობა ხელახლა უნდა გამოუცხადოს. რაც შეეხება პროცედურებს, პრეზიდენტი პარლამენტს ერთი კვირის ვადაში წარუდგენს მთავრობის ახალ შემადგენლობას. პარალამენტმა ახალ შემადგენლობას წარდგენიდან შვიდ დღეში უნდა უყაროს კენჭი.