ექსპრემიერი ბიძინა ივანიშვილი ინფრასტრუქტურის მინისტრის პოსტზე დავით შავლიაშვილის ნოდარ ჯავახიშვილით ჩანაცვლებასაც გამოეხმაურა.

ივანიშვილი შავლიაშვილის თანამდებობიოდან წასვლის შესახებ გავრცელებულ ინფორმაციებს სიცრუეს და ჭორებს უწოდებს, ჯავახისვილს კი "ქართული ოცნების" გუნდის განსაკუთრებულ წევრად ასახელებს და მასზე შესაბამის იმედებსაც ამყარებს.

“გარდა ჭორებისა, რაც შავლიაშვილის ირგვლივაა, ხელში არაფერი გვაქვს. თუ რამე რეალური ინფორმაცია იცით, დარეკეთ GDS-ში, მე პირადად გავუძღვები ყველანაირ კითხვას და ჩავყვები ბოლომდე. დღეს ჭორების მეტი ინფრასტრუქტურის სამინისტროს ირგვლივ არაფერი არაა. ისეთი მინისტრი დაინიშნა - ნოდარ ჯავახიშვილი, გამორჩეულია მთელი გუნდიდან, ვინც კი არსებობს ქართულ ოცნებაში. შევარდნაძის მთავრობის დროს ლამის ერთადერთი კაცი იყო, ვინც იბრძოდა, დაიჭირა ვალუტის კურსიც და საერთოდ თავისი პრინციპულობით გამოირჩეოდა. თუკი რამე მოხდა, ამითაც გაქვთ საფუძველი თქვენ, რომ დაელოდოთ ჯავახიშვილის მუშაობას. ამ სამინისტროს ირგვლივ არაფერი, გარდა ჭორაობისა, ხელთ არ გაქვთ” - განაცხადა ივანიშვილმა.