მიხეილ სააკაშვილის თქმით, 2008 წლის აგვისტოს შემდეგ მსოფლიო წესრიგი დაირღვა: „იყვნენ ადამიანები, რომლებსაც მიაჩნდათ, რომ ის რაც საქართველოში მოხდა, ცალკე აღებული ინციდენტი იყო. მაგრამ არსებობდნენ ადამიანები, რომელებიც მიხვდნენ, რომ 2008 წლის აგვისტოს შემდეგ მსოფლიო წესრიგი დაირღვა“- ამის შესახებ საქართველოს მესამე პრეზიდენტმა ბაქოში ღია საზოგადოებების მესამე გლობალურ ფორუმზე გამოსვლისას ისაუბრა .

სააკშვილის თქმით, ყოველ ჯერზე, როდესაც ის აზერბაიჯანში ჩამოდის იგი ქვეყნის განვითარებით აღფრთოვანებულია. მისი განცხადებით შეცვლილია დასავლეთის დამოკიდებულებაც ამ ქვეყნის მიმართ.

„პროგრესი აშკარაა. აზერბაიჯანის მიმართ დასავლეთის დამოკიდებულებაც შეიცვალა, ადრე ორპირი მიდგომა არსებობდა. დღევანდელი რეალობა აჩვენებს, რომ დასავლეთისთვის ენერგეტიკის ერთადერთ ალტერნატივად აზერბაიჯანი რჩება. თუ ევროპას სურს დავისი ფასეულობები დაიცვას, მან უნდა იმეგობროს აზერბაიჯანთან“- აღნიშნა სააკაშვილმა.

სააკაშვილის თქმით აზერბაიჯანი ევროპისთვის მნიშვმნელოვანია არა მარტო, როგორც ენერგეტიკის წყარო არამედ როგორც ევროპასა და ისლამურ სახელმწიფოს შორის არსებული თავდაცვის ხაზი .