ექსპრემიერი ბიძინა ივანიშვილი ფიქრობს, რომ პარლამენტის მიერ მტავრობის დამტკიცების პრობლემა არ არსებობს, რადგან მმართველ გუნდს საკანონმდებლო ორგანოში უმრავლესობა ჰყავს.

ამის შესახებ ივანიშვილმა ჟურნალისტებთან საუბრისას განაცხადა.

„კითხვაც არ ისმის იმაზე, მიიღებს თუ არა ნდობას ახალი მინისტრთა კაბინეტი. გუნდს პარლამენტში უმრავლესობა ჰყავს. ხმების პრობლემა არ არსებობს. შიდა დაპირისპირებაზე არაფერი გამიგია და ვფიქრობ, რომ ახალი მთავრობის დამტკიცებით პრობლემა არ იქნება“, - განაცხადა ივანიშვილმა.

ჟურნალისტების კითხვაზე, ხომ არ აპირებს ის პოლიტიკაში დაბრუნებას, ივანიშვილმა განაცხადა: „რატომ უნდა დავბრუნდე? არც ჩანს ამის არანაირი მიზეზი“.