ექსპრემიერი ბიძინა ივანიშვილი ლარის კურსის ვარდნას ეხმაურება და ამბობს, რომ ამ ეტაპზე საგანგაშო არაფერია.

მან კიდევ ერთხე მოუწოდა მედიას, რომ როდესაც ლარის გაუფასურების მიზეზებზე საუბრობენ თანაბრად დააკისრონ პასუხისმგებლობა, როგორც მთავრობას, ეროვნულ ბანკს.

„დღეს ლარი განიცდის დევალვაციას. ასეთი დონის დევალვაცია უკვე სახიფათოა ბიზნესისთვის და ეკონომიკისთვის. ამ შემთხვევაშიც კი სწორი ანალიზი უნდა გაკეთდეს, თუ რა არის რეალური მიზეზი. კარგი იქნება თუ ექსპერტების შეფასებასაც მოისმენთ, საქართველოს მთავრობას ყველაფრის შესაძლებლობა არ აქვს. მთავრობას არ შეუძლია ან საწვავის ფასზე ან რეგიონში მოქმედ პროცესებზე დიდი გავლენა მოახდინოს. შიდა პროცესებზე ისაუბრეთ, რა უნდა გაეკეთებინათ და ვერ აკეთებენ. მხოლოდ მთავრობას ნუ აკისრებთ პასუხისმგებლობას, აქაც ტენდენციურობა იგრძნობა, რადგან ეროვნულ ბანკს დიდი როლი აქვს კურსთან დაკავშირებით. საგანგაშო არაფერია, მაგრამ უკეთესის სურვილი ჩნდება“, - განაცხადა ექსპრემიერმა.