ექსპრემიერის ბიძინა ივანიშვილის განცხადებით, ელგუჯა ხოკრიშვილის მისთვის ყველაზე სიმპათიური მინისტრი იყო.

ამის შესახებ ივანიშვილმა ჟურნალისტებთან საუბრისას განაცხადა.

მისი თქმით, სამწუხაროა, რომ ასეთმა მინისტრმა თანამდებობა დატოვა.

„ამ კაცმა გენიალურ პიროვნებად წარმოაჩინა თავი. ვერ მოახერხა ოჯახის გადმოყვანა და ოჯახს უერთდება. სამწუხაროა, რომ ასეთი მაღალი სტანდარტის მინისტრი მთავრობიდან მიდის, მაგრამ ჩემი ცხოვრების წესისთვის, აბსოლუტურად გასაგებია. წავიდა და გაერთიანდა ოჯახთან. აქ კითხვები სად არის? ეს ნორმალური პროცესია. ერთი კაცი ავად გახდა, მეორე კაცს ოჯახთან გაერთიანება მოუნდა და ახსნა. რატომაა ამდენი აჟიოტაჟი?, რატომ შფოთავთ ესე?“, - განაცხადა ივანიშვილმა.