პრემიერის მოვალეობის შემსრულებელმა ირაკლი ღარიბაშვილმა ქონებრივი დეკლარაცია გასული წლის 31 დეკემბერს შეავსო.

ირაკლი ღარიბაშვილის საკუთრებაშია თბილისში, გაგარინის ქუჩა არსებული 121.80 კვ.მ ფართობის ბინა, ასევე ამავე მისამართზე 16 კვ.მ ფართობის ავტოფარეხი.

ბინა მოსაშვილის ქუჩაზე 170 კვ-მ ფართობის ბინა, ამავე მისამართზე 30 კვ.მ ფართობის არასაცხოვრებელი ფართი. ასევე მოსაშვილის ქუჩაზე 159 კვ.მ ფართობის ბინა და ამავე მისამართზე 38 კვ.მ ფართობის არასაცხოვრებელი ფართი.

მის მფლობელობაშია ავტომობილი Mercedes Benz, 2009, სანომრე ნიშნით - NNA-100.

საბანკო ანგარიშები კი ასეთია: ბანკ ”ქართუში" მიმდინარე ანგარიშზე კვლავ 1.00 ევროა, იმავე ბანკის კიდევ ერთ მიმდინარე ანგარიშზე 4.72 დოლარი, კიდევ ერთ მიმდინარეზე 18.51 ლარია. ხოლო ბანკი ”ქართუს” საბარათე ანგარიშებზე 10.61 ლარი, 4987.94 დოლარი და 4371.44 ევრო. ასევე ირაკლი ღარიბაშვილის მნფლობელობაშია 10 000 ლარი.

რაც შეეხება ანაზღაურებას, 2014 წლის 1 იანვრიდან 31 დეკემბრამდე შინაგან საქმეთა მინისტრობის პერიოდში მას აღებული აქვს 77 946 ლარი. ხოლო პრემიერობის პერიოდში 5869 ლარი.