სავიზო რეგულაციებზე მთავრობის ინიციატივას პარლამენტი მესამე მოსმენით განიხილავს

პოლიტიკა - 10:50, 30 Apr, 2015

868

პარლამენტი სავიზო რეგულაციებთან დაკავშირებით მთავრობის ინიციატივას მესამე მოსმენით განიხილავს და კენჭსაც უყრის.

კანონპროექტი ვიზების ელექტრონულად გაცემას, ქვეყნის ტერიტორიაზე ვიზის ვადის გაგრძელებას და უვიზოდ შემოსვლის დამატებით შესაძლებლობას ითვალისწინებს. უძრავი ქონების ფლობა კი ბინადრობის ნებართვის გაცემის საფუძველი ხდება.

„ტურისტული ვიზის მისაღებად ინქება უფრო მცირე დოკუმენტების წარმოდგენის საჭიროება. ასევე ცვლილებებს მიხედვით ფართოვდება წრე იმ პირების, ვისაც ექნება ჩვენს ქვეყანაში უვიზოდ შემოსვლის უფლება. მოხდება მთავრობის მიერ იმ ქვეყნების განსაზღვრა, რომელთა ვიზის ან ბინადრობის უფლების ქონის შემთხვევაში, პირს უფლება ექნება უფლება შემოვიდეს ჩვენს ქვეყანაში უვიზოდ,“-განაცხადა ეკონომიკის მინისტრის მოადგილემ ნათია მიქელაძემ.

ცვლილებების მიხედვით, იმ ადამიანებს, რომლებიც 35 ათასი აშშ დოლარის ღირებულების აქტივს შეიძენენ საქართველოში, ქვეყანაში ოჯახის წევრებთან ერთად ერთი წლის განმავლობაში ყოფნის უფლება ექნებათ.

.დეპუტატების შეფასებით, "უცხოელთა და მოქალაქეობის არ მქონე პირთა სამართლებრივი მდგომარეობის" შესახებ კანონში შესატანი ამ ცვლილებებით, არსებული ხარვეზები გამოსწორდება.