უმრავლესობის წევრი ლუკა კურტანიძე სპორტის მინისტრად არჩილ თალაკვაძის შესაძლო დანიშვნას ეხმაურება.

მისი თქმით, თალაკვაძე ძალიან განათლებული ადამიანია.

„მხოლოდ ის ვიცი, რომ თალაკვაძე შინაგან საქმეთა მინისტრის მოადგილეა და ის ძალიან განათლებული ადამიანია. მთავარია, ის იყოს კარგი ორგანიზატორი და ის კომუნიკაცია დაიცვას, რაც მას წარმატებულს გახდის“, - განაცხადა კურტანიძემ.

გავრცელებული ინფორმაციით, სპორტისა და ახალგაზრდობის მინისტრის პოსტზე შინაგან საქმეთა მინისტრის მოადგილე არჩილ თალაკვაძე განიხილება.

ელგუჯა ხოკრიშვილის სავარაუდო შემცვლელის ვინაობა კი ჯერჯერობით უცნობია.