უმრავლესობის დეპუტატისთვის, ვალერი გელაშვილისთვის გაუგებარია ის არგუმენტები, რაც ლევან ყიფიანმა გადადგომის მიზეზად დაასახელა.

ამის შესახებ გელაშვილმა პლენარულ სესიაზე განაცხადა.

„თუ თავს იქებდა და წარმატებული იყო რატომ გადადგა. თვითონ დაწერა განცხადება წასვლის შესახებ. სამი სპეციალისტის გარდა არავინ ჰყავდა სამინისტროში", - განაცხადა ვალერი გელაშვილმა.

შეგახსენებთ, ლევან ყიფიანმა თანამდებობა დღეს დატოვა. ის რიგით მეშვიდე მინისტრია ვინც გადადგა. ამიტომ კონსტიტუციის მიხედვით პარლამენტმა ნდობა ახალ სამთავრობო გუნდს უნდა გამოუცხადოს. როგორც ირაკლი ღარიბაშვილმა განაცხადა, შეიცვლება მხოლოდ ორი მინისტრი. მისი თქმით, პარლამენტს სამთავრობო გუნდს და პროგრამას თავად წარუდგენს.