პრემიერ-მინისტრის მინისტრის მოვალეობის შემსრულებლის ირაკლი ღარიბაშვილის განცხადებით მომავალ სამთავრობო გუნდში მხოლოდ ორი ახალი მინისტრი იქნება.

ამის შესახებ ღარიბაშვილმა საგანგებო ბრიფინგზე განაცხადა.

„სახეზეა ჯანსაღი პოლიტიკური პროცესი. ცვლილებები ბუნებრივია. მინდა დაგარწმუნოთ, რომ ჩვენი პოლიტიკური გუნდი ერთიანია. „ქართულ ოცნებაში“ გვაქვს საერთო პოლიტიკური მიზნები. გეტყვით, რომ პარლამენტს მე წარვუდგენ მთავრობის განახლებულ შემადგენლობას. გვეყოლება ახალი მინისტები მხოლოდ იმ უწყებებში, რომლებმაც დატოვეს თანამდებობები. ეს არის სპორტის და გარემოს დაცვის მინისტრი“, - განაცხადა პრემიერმა.