ამ ეტაპზე ღარიბაშვილს გარემოცვა შემოეცლება, ხოლო პოსტი კიდევ უფრო ნომინალური გახდება

პოლიტიკა - 13:51, 29 Apr, 2015

1664

კახა კალაძე - ყველაზე დაპირისპირებული პერსონა ღარიბაშვილთან, ნოდარ ჯავახიშვილი - რომელიც ღიად ამხელდა ფორმალურად პირველი პერსონის კლანს და ამასობაში, ის არის ბანკირი, რომელსაც შესაძლოა ლარის გადამრჩენელის სტატუსი მოარგონ. სერგეენკო - ყველაზე მაღალრეიტინგული მინისტრი, თუმცა ეს რეიტინგი ივანიშვილს დიდად არ სიამოვნებს.

ეს ის გვარებია, რომლებიც პრემიერის პოსტთან დაკავშირებით ჭორის სახით ვრცელდება.

თუმცა, ,,ნიუპოსტის" ინფორმაციით საქართველო მიიღებს არა ახალ სახეს და სახელს პრემიერისას, არამედ ,,ფუნქციის" ცვლილებას, რომელსაც არანაირი გავლენა მთავრობაზე აღარ ექნება. გარდა იმისა, რომ პრემიერის დამოუკიდებლობის ხარისხი ისედაც შეზღუდული იყო, პრემიერის პოსტი აბსოლუტურად ნომინალური გახდება.

მაშინ, როცა ეკონომიკური კრიზისი პიკს უახლოვდება; ლარის კურსის გადარჩენის პერსპექტივები ჯერ-ჯერობით არ ჩანს, ამ ფონზე, ახალი პრემიერის დანიშვნა, რომელიც სულ მოკლე პერიოდში შეიძლება გაკოტრდეს ისე, რომ ახალი ცოცხის პრინციპის განხორციელებაც ვერ მოასწროს, ქვეყნის რეალურ მმართველზე იმოქმდებს ნეგატიურად.

ამდენად, რეალური ცვლილებები არა ამ ეტაპზე, მაგრამ არც ისე შორეულ პერსპექტივაში მაინც მოსალოდნელია.