"ამ ადამიანებმა გადააბიჯეს სინდისს და ნამუსს"- ყიფიანი გადადგომის მიზეზებზე საუბრობს

პოლიტიკა - 12:48, 29 Apr, 2015

7554

სპორტის მინისტრმა გადადგომის შესახებ განცხადება გააკეთა და აღნიშნა, რომ მიუხედავად სამინისტროს წარმატებული მუშაობისა, მას არ სურს დაპირისპირებაში შევიდეს მისი გუნდის წარმომადგენლებთან, კონკრეტულად კი პარლამენტის სპორტისა და ახალგაზრდულ საქმეთა კომიტეტის წევრებთან. „მათგან განსხვავებით სახელმწიფო ინტერესებს ვაყენებ პირად ინტერესებზე მაღლა და მივმართავ მათ, რომ ასევე მოიქცნენ და ნუ გაცვლიან სამშობლოს პირად ინტერესებზე“- განაცხადა ლევან ყიფიანმა.

„ამ ადამიანებმა გადააბიჯეს სინდისს და ნამუსს, მე მივმართავ მათ სახელმწიფოს სახელით პროვოკაციაზე ნუ წავლენ. გადადონ ყველაფერი გვერდზე და გაუკეთონ ხალხს ის არაც დაპირდნენ. ჩემი გადაგომის მიზეზი სწორედ ესაა, რომ არ გამწვავდეს პრობლემა და არ გადავიდეს იმ ზღვარს, რომელიც მე ვფიქრობ უკვე გადასულია. მე არ მინდა გავხდე სპეკულაციის ნაწილი და ვტოვებ თანამდებობას. მე ისე გავაგრძელებ ცხოვრებას, როგორც მოვედი აქამდე, სუფთა რეპუტაციით, სუფთა ხელებით, გახსნილი გულით და ერთიანი ძალისხმევით. ვთხოვ პრემიერს და იმ ახალ მინისტრსაც, რომელიც მოვა შეინარჩუნონ ის კურსი, რომელიც მიზნად დაისახა სამინისტრომ. მე ვაფრთხილებ ყველას, ნუ დაბრუნდებით უკან, რაზეც უარი ვთქვით რამდენიმე წლის წინ“,- განაცხადა ლევან ყიფიანმა და თანამშრომლებს და პრემიერს მადლობა გადაუხადა.