მთავარი პროკურორის მოადგილის ირაკლი შოთაძის თქმით, აზერბაიჯანის პროკურატურაში ნამდვილად გაგზავნილია მოთხოვნა მიხეილ სააკაშვილის დაკავებაზე, თუმცა ქართულ მხარეს პასუხი ჯერ არ მიუღია.

ამის შესახებ შოთაძემ ჟურნალისტებთან საუბრისას განაცხადა.

„ამ მოთხოვნის საფუძველი არის აზერბაიჯანსა და საქართველოს პროკურატურას შორის არსებული ორმხრივი თანამშრომლობის ფორმატი. ჯერჯერობით აზერბაიჯანის გენერალური პროკურატურიდან პასუხი არ მიგვიღია. როგორც ჩანს, შესაბამისი რეაგირება არ მომხდარა",- განაცადა შოთაძემ.

შეგახსენებთ, რომ საქართველოს ექსპრეზიდენტი მიხეის სააკაშვილი ბაქოში ექსპრეზიდენტისა და მთავრობის ყოფილი მეთაურების ფორუმის დასასწრებად გუშინ ჩავიდა, რასთან დაკავშრებითაც, საქართველოს გენერალურმა პროკურატურამ აზერბაიჯანულ მხარეს მიხეილ სააკაშვილის დაკავება მოსთხოვა, მიხეილ სააკაშვილის დაპატიმრებისა და ექსტრადაციის დაკავშირებით კი აზერბაიჯანის პროკურატურამ და შინაგან საქმეთა სამინისტრომ, კომენტარის გაკეთებაზე უარი განაცხადეს.