პარლამენტის სპორტისა და ახალგაზრდულ საქმეთა კომიტეტის თავმჯდომარე ლუკა კურტანიძე ამბობს, რომ კოალიციის ბოლო პოლიტსაბჭოს სხდომაზე ლევან ყიფიანის გადადგომის საკითხიც განიხილებოდა.

თუმცა კურტანიძე განმარტავს, რომ დეტალური ინფორმაცია ამ საკითხზე არ აქვს.

“პოლიტსაბჭოს სხდომაზე ერთ-ერთ საკითხად ესეც იყო განხილული და შესაბამისად, ზოგადი ინფორმაცია მაქვს. მე ზოგადი ინფორმაცია მაქვს ჟურნალისტებისგან და სოციალური ქსელიდან, სადაც გავრცელდა ეს ინფორმაცია, დადასტურებულად დღეს გვეცოდინება“, - განაცხადა კურტანიძემ.

ყიფიანის გადადგომის შესახებ ინფორმაციას არ ფლობს არც კომიტეტის წევრი შოთა ხაბარელი.

"მე ვფლობ ინფორმაციას ტელევიზიებიდან, რომ დღეს მინისტრმა უნდა გააკეთოს განცხადება. დაველოდები 12:00 საათს, რა განცხადება გაკეთდება“, - განაცხადა ხაბარელმა.