საჭიროა ერთი დიდი შეჯანჯღარება და შეცვლა ამ მთავრობის- ირაკლი ალასანია

პოლიტიკა - 22:57, 28 Apr, 2015

1810

„თავისუფალი დემოკრატების“ ლიდერი ირაკლი ალასანია გადაცემა „არჩევანში“ ანაკლიიდან ჩაერთო. ალასანიას თქმით ქვეყანაში არსებული ეკონომიკური კრიზისი რეგიონებში უფრო მკვეთრად შეიმჩნევა. ირაკლი ალასანიას განცხადებით, ქვეყანაში პანიკა იქმნება იმიტომ რომ მოსახლეობა ქვეყნის პატრონს ვერ ხედავს.

„ეს მთავრობა არ მუშაობს, შემოდგომა კიდევ უფრო რთული იქნება, საქმე ენერგო კრიზისისკენაც მიდის. ამ პირობებში როცა მთავრობა ლარს ვერ იჭერს ტარიფის გაზრდა გარდაუვლად მოუწევთ. მთავრობა მთლიანად ამოწურა ნდობის პოტენციალი. ქვეყანა იმართება არაფორმალურად. პრემიერი ვერ იღებს გადაწყვეტილებას ,მინისტრი ვერ იღებს გადაწყვეტილებას, დედაქალაქის მერს ახალი დე ფაქტო მერი დაუნიშნეს.“- განაცხადა ირაკლი ალასანიამ. წამყვანის შეკითხვაზე თუ ვინ არის დე ფაქტო მერი „თავისუფალი დემოკრატების“ ლიდერმა უპასუხა, რომ არაფორმალური გადაწყვეტილების მიმღები დედაქალაქის მერიაში დიმიტრი ქუმსიშვილია.

ყოფილი თავადაცვის მინისტრი ფიქრობს, რომ, თუ ქვეყანაში ხელისუფლების ცვლილება დროულად არ მოხდება, ვითარება კიდევ უფრო დაიძაბება და პრობლემები გაღრმავდება.

"ყველაზე სწორი გადაწყვეტილება მთავრობის წასვლა იქნება. დეფაქტო პრემიერს მოვუწოდებდი, რომ ეს გადაწყვეტილება რაც შეიძლება მალე მიიღოს. მთავრობას საკუთარი ბიუროკრატია აღარ სცემს პატივს. თუ გადაწყვეტილება მალე არ იქნება მიღებული, ეს ჩვენი ეკონომიკის კიდევ უფრო დამძიმებას შეუწყობს ხელს, საჭიროა ერთი დიდი შეჯანჯღარება და შეცვლა ამ მთავრობის" - აღნიშნა ირაკლი ალასანიამ.