ბაჩუკი ქარდავა: ევროატლანტიკური ფორუმი არის წყალგამყოფი რუსულ და დასავლურ არჩევანს შორის

პოლიტიკა - 17:40, 28 Apr, 2015

2124

დღეს სასტუმრო „ქორთიარდ მერიოტში“ ევროატლანტიკური ფორუმის კონფერენცია გაიმართა, სადაც ძირითადი თემა საქართველოს ევროატლანტიკურ სტრუქტურებში ინტეგრაციის მნიშვნელობა და საკითხის ირგვლივ კომპლექსური მიდგომის საჭიროება გახლდათ.ღონისძიება საქართველოში რუმინეთის საელჩოს და ნატოს სამეკავშირეო ოფისის თანაორგანიზებით ჩატარდა. მოწვეულ სტუმრებს სიტყვით მიმართეს რუმინეთის ელჩმა საქართველოში - დიმიტრუ ბადეამ, უილიამ ლაჰიუმ, ევროატლანტიკურ ფორუმის დამფუძნებლემა ბაჩუკი ქარდავამ, თორენიკე შარაშენიძემ, ირაკლი კობიძემ.ბაჩუკი ქარდავას თქმით, საქართველოს ევროატლანტიკურ კურსთან დაკავშრებით არც ერთ ადამიანს და ორგანიზაციას არ გააჩნია კითხვის ნიშანი, გარდა იმ დაჯგუფებებისა, რომლებიც რუსეთიდან იკვებებიან პოლიტიკურად და მორალურად.ბაჩუკი ქარდავამ მადლობა გადაუხადა დიპლომტიური კორპუსის წარმომადგენლებს, რომლებიც კონფერენციის თანაორგანიზატორები არიან. ქარდავამ ევროატლანტიკური ფორუმის დაფუძნების მიზნებზე ისაუბრა.,,ეს კონფერენცია არ არის რაღაც პროცესის რეზუმირება, არამედ არის გარკვეული პროცესის დასაწყისი. ევროატლანტიკური ფორუმი, ეს ორგანიზაცია სულ რაღაც 3-4 თვეა რაც დაფუძნდა და მისი მიზანი, ქვეყნის დასავლური კურსის განვითარების ხელშეწყობაა. ჩვენი მიზანი იყო, ამ საკითხის გარშემო სხვადასვხა შეხედულების პოლიტიკური თუ საზოგადოებრივი ჯგუფები დავმსხდარიყავით ერთად და დაგვეწყო საუბარი, დაგვეფიქსირებინა ჩვენი პოზიცია თუნდაც ერთი ძალიან პრინციპული საკითხზე, რომლის გარშემოც ჩვენ შორის განსხვავებები არ ასრებობს გარდა იმ ჯგუფებისა, რომლებიც ჩრდილოეთიდან იკვებებიან პოლიტიკურად და შეიძლება მორალურადაც და განსაკუთრებით ბოლო პერიოდში აწარმოებენ საკმაოდ აგრესიულ პროპაგანდას ქართული სახელმწიფოს დასავლური კურსით განვითარების კუთხით. დასავლური კურსის შეჩერება - ფაქტიურად ქართული სახელმწიფოს და მისი დამოუკიდებლობის წინააღმდეგ საქმიანობაა" - განაცხადა ბაჩუკი ქარდავამ. მისი თქმით, ქართველმა ხალხმა ევროატლანტიკური მიმართულებით საკუთარი არჩევანი მკაფიოდ გამოხატა და ამას ადასტურებს არაერთი კვლევა, თუმცა როგორც ქარდავამ აღნიშნა, ამ გზაზე სწრაფი ტემპით სვლა დამოკიდებულია როგორც ქვეყნის ხელისუფლბაზე, დიდწილად საზოგადოებაზე და მის აქტიურობაზე.,,დასავლური მიმართულება და ნატოში ინტეგრაცია არ არის ხელისუფლების პრეროგატივა ან რამოდენიმე თუ არა ერთი პოლიტიკური ორგანიზაციის რაღაც მონოპოლია, ამ საკითხში ჩართული უნდა იყოს როგორც ხელისუფლება და პოლიტიკური პარტიები, ასევე საზოგადოების ძალიან დიდი ნაწილი. ის ფაქტი, რომ ამ მიმართულებით ბევრს არ მოსწონს ჩვენი ტემპი, გარკვეულწილად დამოკიდებულია არა ჩვენს დასავლელ პარტნიორებზე და ხშირ შემთხვევაში არა ხლისუფლებაზე, თუმცა არც უმაგისობაა, არამედ დიდწილად დამოკიდებულია იმაზეც თუ რამდენად აქტიურია საზოგადოება და რამდენად ვემზადებით ჩვენ იმისათვის, რომ ქვეყანაში განვითარდეს დემოკრატიული ინსტიტუტები და რომ საზოგადოებაში გარკვეული მენტალური ცვლილებები მოხდეს. ამ ცვლილებების გარეშე, ნატოს წევრობა პრინციპში უტოპიაა" - განაცხადა ბაჩუკი ქარდავამ და იმედი გამოთქვა, რომ ეს იქნება დიდი ფორუმის დასაწყისი, სადაც მისი თქმით, ყველა დააფიქსირებთ ერთიან პოზიციას და ,,გავაჩენთ წყალგამყოფს ქვეყნის დამოუკიდებლობასა და ჩრდილოეთს შორის.“ - დასძინა ქარდავამ.