პრემიერის თქმით, თუ მთავრობის გადამტკიცება და ხელახალი ნდობის მოპოვება, არც ეს არის პრობლემა.

ამის შესახებ ირაკლი ღარიბაშვილმა ჟურნალისტებთან საუბრისას განაცხადა. მისი თქმით, აღნიშნულ საკითხზე აჟიოტაჟი ტყუილად ატყდა.

„სულ ტყუილად ატეხეთ აჟიოტაჟი. მოგიწოდებთ ყველას, რომ ხელოვნურად ნუ ეცდებით რაღაც არასტაბილურობის განცდა გააჩინოთ. თუ საჭირო იქნება მთავრობის გადამტკიცება და ხელახალი ნდობის მოპოვება, არც ეს არის პრობლემა. ჩვენ აბსოლუტურად გამჭვირვალე ვართ და აქ განსაკუთრებული არაფერი არ არის. კონსტიტუციის მიხედვით, ივლისის თვეში შვიდი მინისტრი გამოვცვალეთ და ხელახლა მოვიპოვეთ ნდობა პარლამენტში. მთავრობა საჭიროებს მუდმივად განახლებას და არაფერი სერიოზული არ ხდება. სასკანდალო არაფერია. ყველაფერი კარგადაა. ერთი მინისტრი წავა, მეორე დაინიშნება. შეიძლება, სხვა მინისტრიც წავიდეს“, - განაცხადა პრემიერმა.