საქალაქო სასამართლოში ვანო მერაბიშვილსა და მოსამართლე ვახტანგ მრელაშვილს შორის სიტყვიერი დაპირისპირება მოხდა. მრელაშვილმა მერაბიშვილს განცხადება არ დაასრულებინა, რაზეც შინაგან საქმეთა ყოფილმა მინისტრმა მოსამართლეს უთხრა, უზრდელობისთვის თავი დაენებებინა.

მერაბიშვილმა გიგი უგულავას შესახებ ისაუბრა და განაცხადა, რომ ის უკანონო მდგომარეობაშია.

ყოფილმა მინისტრი ქვეყანაში არსებულ ვითარებასაც შეეხო და აღნიშნა, რომ ეკონომიკური მდგომარეობის გამო საზოგადოებაში პესიმიზმი გაჩნდა.

„მინდა, ქართულ საზოგადოებას ვუთხრა, რომ სიტუაცია პესიმისტური არ არის. როდესაც ნორმნალური ხალხი დაბრუნდება მთავრობაში, სიტუაცია შემობრუნდება. ეს უკრაინამაც დაამტკიცა. რამდენიმე პირმა სიტუაცია უკრაინაში გამოასწორა. როდესაც ეს ხალხი დაბრუნდება, სიტუაცია უკეთესობისკენ შეიცვლება“, - აღნიშნა მერაბიშვილმა.

შეგახსენებთ, საქალაქო სასამართლოში 7 ნოემბრის საქმეზე მიხეილ სააკაშვილის, ვანო მერაბიშვილის, ზურაბ ადეიშვილის და დავით კესერაშვილის პროცესი მიმდინარეობს.